ဖန်တီးမှု ရပ်ဝန်းဒေသ

နည်းပညာခေတ်ကြီးတွင် ကျတော်တို့အားလုံးဟာ နည်းပညာတွေကို ဆာလောင် ငတ်မွတ်ခဲ့ကြပါတယ်။ နည်းပညာ ဆာလောင်မှုဖြင့် ကျတော်တို့အမျိုးမျိုး ကြိုးစား ရုန်းကန်ခဲ့နေကြတာ၊ လေ့လာရှာဖွေ ဆည်းပူးမှုတွေဟာ ရပ်တန့်လို့ မရနိုင်သေးပါဘူး။ တတ်ကျွမ်းသော အသိပညာရှင်၊ အတတ်ပညာရှင်များ ထံမှလည်း ဆက်လက် ဆွေးနွေး လေ့လာဆည်းပူးဆဲ ဖြစ်ပါသည်။ အတတ်ပညာ ဆိုတာ သမုဒ္ဒရာရေကဲ့သို့ မကုန်နိုင် မခန်းနိုင်သလို၊ လေ့လာဆည်းပူး မဆုံးပါ။ ဘယ်လိုပဲ ဖြစ်ဖြစ် ကျတော်တို့ရဲ့ ကြိုးစားမှု အသီးအပွင့်များကို ကျတော်တို့လို လေ့လာသင်ယူလိုသော၊ သိရှိသော အသိပညာကို မျှဝေဖြန့်ဖြူးလိုသော လူငယ်များ အတွက် ဖန်တီးမှု ရပ်ဝန်းဒေသလေးတစ်ခုကို ကျတော်တို့ သူငယ်ချင်း အပေါင်းအသင်း မောင်နှမတွေ ကြိုးစား တည်ထောင် အသက်သွင်းခဲ့ ကြပါတယ်။ နေ့စဉ်နှင့်အမျှ အသစ်သစ် ထပ်မံထွက်ပေါ်လာသော ဆော့စ်ဝဲများ၊ အဆောက်အဦးဆိုင်ရာ နည်းပညာများကို သိမြင်တတ်စွမ်းသမျှ ကျတော်တို့ လေ့လာမိသလောက် မျှဝေခြင်းဖြစ်ပါသည်။ ထိုရပ်ဝန်းလေးတွင် စိတ်ပါဝင်စားသူ လူငယ်လူရွယ်အားလုံး မိမိတို့ သိရှိထားသမျှ နည်းပညာများကို ဖလှယ်ရန် www.creativespace.info မှ ခင်မင်လေးစားစွာ ဖိတ်ခေါ်အပ်ပါသည်။